म सडक

हिजो,

म माथि धेरै, डोजर चलाए,

खैती र गैतीहरु पनि

ढल बनाउने नाममा,

पानीको नाला गाड्ने बहानामा

म चिथोरीइ रहे,

अनेकका, अनेकौ चाहनामा ।

आज,

एक डाक्टरले, फेरी मलाई नङ्याए,

खुम्चिएकी म,

फेरी मलाई तन्काए

हाँसो लाग्छ मलाई

हा............ हा.......... हा

भोली,

अर्को डाक्डर आउने छ......,

मेलम्ची आउने नाउँमा,

बिजुली र टेलिफोनका तेन्द्राहरु लुकाउन

 उस्ले पुन उस्को तुजुक देखाउने छ,

उस्को चाहना पुरा गर्न,

फेरी म नाँगिनु पर्ने छ

र

यो नङ्याइ र रङ्याइ को शिल्सिला

चलिरहने छ निरन्तर.............